GWEINIDOGION Y DU SY'N GWEITHREDU MEWN MEYSYDD DATGANOLEDIG
006 - Rheoliadau Plaladdwyr (Dirymu) (Ymadael â’r UE) 2022 Dyddiad gosod yn Senedd y DU: 19 Ionawr 2022
Sifftio
A fydd angen eu sifftio yn Senedd y DU?	Bydd
Gweithdrefn:	Negyddol Arfaethedig
Dyddiad trafod gan Bwyllgor Offerynnau Statudol Ewropeaidd Tŷ'r Cyffredin	Amherthnasol
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Amherthnasol
Dyddiad y daw'r cyfnod sifftio i ben yn Senedd y DU	3 Chwefror 2022
Memorandwm Cydsyniad Offeryn Statudol (SICM) o dan Reol Sefydlog 30A (oherwydd eu bod yn diwygio deddfwriaeth sylfaenol)	Dim angen
Gweithdrefn graffu
Canlyniad y broses sifftio	Amherthnasol
Gweithdrefn	Negyddol Arfaethedig
Dyddiad trafod gan y Cydbwyllgor ar Offerynnau Statudol	Anhysbys
Dyddiad trafod gan Bwyllgor Offerynnau Statudol Tŷ'r Cyffredin	Anhysbys
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Anhysbys
Cefndir Bwriedir i'r Rheoliadau hyn gael eu gwneud gan Lywodraeth y DU yn unol ag adran 8(1) o Ddeddf yr Undeb Ewropeaidd (Ymadael) 2018. Crynodeb Mae’r Rheoliadau hyn yn dirymu deddfwriaeth uniongyrchol, ddiangen yr UE sydd wedi’i dargadw sy’n rhan o’r drefn ar gyfer rheoleiddio cynnyrch amddiffyn planhigion a’r lefel gweddillion uchaf, fel y gall y trefniadau hyn barhau i weithredu’n effeithiol ar ôl diwedd y cyfnod gweithredu. Mae’r dirymiadau hyn yn ymdrin â deddfwriaeth uniongyrchol yr UE a ddaeth i rym tua diwedd y cyfnod gweithredu ac felly nid oedd OSau Ymadael cynharach yr UE yn ymdrin â nhw mewn perthynas â’r pwnc hwn, ond rhoddir effaith iddynt ym Mhrydain Fawr trwy ddarpariaethau pontio yn OSau Ymadael cynharach yr UE a’r cofrestrau statudol cenedlaethol. O ganlyniad, nid oes angen mwyach y ddeddfwriaeth uniongyrchol a ddargedwir gan yr UE sydd i’w dirymu. Maent bellach yn cael eu dileu fel nad ydynt yn aros ar y llyfr statud. Datganiad gan Lywodraeth Cymru Mae’r Cynghorwyr Cyfreithiol yn cytuno â’r datganiad a osodwyd gan Lywodraeth Cymru dyddiedig 20 Ionawr 2022 ynghylch effaith y Rheoliadau hyn. Cytundeb Rhynglywodraethol ar Fil yr Undeb Ewropeaidd (Ymadael) Mae'r crynodeb uchod a chynnwys y Memorandwm Esboniadol i'r Rheoliadau hyn yn cadarnhau eu heffaith. Nid yw'r Cynghorwyr Cyfreithiol o'r farn bod unrhyw faterion arwyddocaol yn codi o dan baragraff 8 o'r Memorandwm ar Fil yr Undeb Ewropeaidd (Ymadael) a Sefydlu Fframweithiau Cyffredin mewn perthynas â'r Rheoliadau hyn.